Astekaria

2014ko urriaren 20an

Gaur astelehena, IKT ikasgaia lantzen hasi gara. Aurreko astean Gorkarekin ikasgaiaren aurkezpenean egon eta gero, zalantza batzuk suertatu zitzaizkigun, hala nola, azterketa egongo zenik, nork emango zituen klase teorikoak e.a. Josunek genituen zalantzak argitu eta gero lanean hasi gara. Lehenik eta behin, ikasle bakoitza OpenOffice writer programa erabiliz, gure fitxa pertsonala egin eta egelara igo dugu.
 
Materiarekin hasteko, Web 1.0 eta web 2.0-ren inguruan zer dakigun bakoitza azaldu eta gero bideo labur baina adierazgarri bat jarri digu (Ikusi). Hau eginga, teoriara jo eta bereizitasunak sakonki ikusi ditugu power point baten bidez. 

Geroago, IKT-ren inguruko ideia batzuk argitu dizkigu beste power point baten bidez, hala nola, ordenagailua eta euren osagarriak, ordenagailuan dauden programak, fitxategi motak, memoria eta azkenik softwarea.

Programa batean zentratu gara, Gmailean. Bakoitza gure kontua zabaldu, mezuak nola bilatu, artxibatu eta etiketatu, etiketak eta filtroak nola sortu,  eta aplikazioak (drive, alertas, academic) nola erabiltzen diren laburki azaldu du. Jarraian, Googleri etekin handiena nola atera eta bilaketarako aholkuak ikusi ditugu.

Azkenik, eta klasearekin amaitzeko, blogak gaian sartu gara. Zer diren, zertarako balio duten e.a. argitu ostean, blog bat zabaltzea izan da gure eginkizuna. Eta honetan gaude, blogak nola funtzionatzen diren ezagutzen, geroago eta pixkanaka aukeratu dugun gaia bideo, informazioa, artilu eta argazkien bidez jorratzeko. 


2014ko urriaren 27an

IKT ikasgaiko bigarren eguna izan da gaurkoa. Autobusen greba dela eta, ezin izan dut garaiz heldu, horregatik, falta izan dudan ordu erdian zer egin duten nire klasekideari galdetu diot. Dirudierez, pasaden astean bidalitako "Euskara 2.0: zer da hori?" testua komentatzen eta ideia nagusiak azpimarratzen egon dira.

Jarraian, teoriarekin hasi dira. Gaurko gaia konpetentzia digitala eta gaitasun digitala izan da nagusiki. Eskolan lantzen diren oinarrizko gaitasunei buruz eta analfabetizazio digitalari buruz hitz egin dute beste gauzen artean. Geroago bideo bat jarri die "Analfabetización digital" izenekoa, eta justu bideoaren erdian sartu naiz. Pixkabat galduta ibili naiz hasieran ez nekielako zertaz hitz egiten ari ziren baina azkar harrapatu dut klaseko haria. Bideoa ikusi eta gero, gaia komentatu eta teoria alde batera utzi dugu.
 
Ondoren,  blogekin jarraitu dugu. Lehenengoz, beste horri bat sortu (materiala izanekoa), etiketa berriak ipini, gure ikaskideen blogen zerrenda antolatu eta blogaren artxiboa gehitu dugu. Hau eginda, gure kabuz lan egiten utzi digu, gure gaiari buruzko mezu berriak idazten hain zuzen ere.
 
Amaitzeko, taldeetan egin beharreko proiektua zertan datzan azaldu digu irakasleak, lehenbailehen lan egiten hasteko. Taldeak eratu, gure website sortu eta egoeraren azterketa egin dugu gaur popplet programarekin.


2014ko azaroaren 17an



Gaur klasea aurreko asteetan zehar emandako teoria komentatzen hasi gara; bi asteko geldialdia egin eta gero pixka bat galduta sentitu garelako eta berriro ere lanean hasteko, gauzak oroituz.
 

Behin hau eginda, identitate digitala zer den aztertzen egon gara, gaurko gaia hau izan da eta, espazio sozial honetan zer garen gu zehaztea. Irakasleak galdera batzuk planteatu dizkigu sarrera moduan:

  • Zerrendatu erabiltzen dituzun aparailu elektronikoak: mugikorra, etxeko telefonoa, portatila, tableta-a eta mahai ordenagailua nire kasuan.

  • Zer erabiltzen duzu Interneten sartzeko? Telefono mugikorra gehienetan. Portatila, mahai ordenagailua eta telebista sarritan ere.
  • Zer egiten duzu Interneten? Telebista ikusi, informazioa bilatu, lanak egin, sare sozialak erabili, erosketak, musika entzun eta pelikulak ikusi beste gauza batzuen artean.

  • Zenbat denbora ematen duzu egunean? Denbora gauza erlatiboa da, baina orokorrean gutxi gora behera 2 ordu eguneko.

  • Zein aplikazio erabiltzen dituzu? Whatsapp, Twitter, Facebook, Instagram, Avary….

Galdera hauek erantzun eta gero, Interneten gure datuak ematearen edo ez ematearen garrantziaz aritu gara. Horretarako bost talde egin eta hainbat bideo ikusi ditugu gero gure IKT-teko taldeari komentatzeko.

  • Lehenengo bideoan, Amazing mind-reader reveals his "gift", Pertsona batzuei leku batean sartzen diete eta beste batek bakarrik haien izena jakinda, haiei buruzko informazioa daki, Interneten jarri dutelako. Transmititu nahi digun mezua kontuz ibili behar garela da, Interneten guri buruzko informazio asko jartzen dugulako eta askotan kontziente ez garela.
  • Bigarren bideoan, Si no lo haces en tu vida normal...¿porque lo haces en internet?, neska bat agertzen da jendeari aurrez aurre bere bizitza osoa kontatzen nahiz eta beste pertsonari bost axola, interneten eta sare sozialetan guk egiten dugun bezala. Transmititu nahi duen mezua, gure informazioa ez zaiela besteei inporta da.
  • Hirugarren bideoan, Once posted You lose it, neska batek argazki bat jartzen du eskolako kortxoan. Konturatzen denean jende guztia ikusi eta fotokopiatu duela kendu nahi du, baina beranduegi da, argazkia beti berragertzen da, berdina interneten gertatzen da, zerbait igotzen duzunean edonor jaitsi dezakelako eta nahi duenean berriz igo. Mezua zera da: behin zure argazkia leku batera igoz gero, ezinezkoa dela aztarna ezabatzea. 

  • Laugarrenean, Identidad Digital, identitate digitalari buruz hitz egiten du, eta honek gure bizitzan izan dezakeen eraginaz ere. Pasahitzen inguruan aritzen da.

Jarraian, taldeka hausnarketa txiki bat egin dugu, identitate digitalari buruzko ondorio batzuk ateraz: 
 

-Gure informazioa Interneten jartzean momentuan ez gara kontziente informazioa hori edonork ikusi dezakeela eta behin gauza bat igota ezinezkoa dela ezabatzea.


-Interneten bidez askotan kalean ez ditugun gauzak jartzen ditugu. Hau da,  gure buruarentzat egokiak ez diren gauzak publikatzen ditugu. 


-Sare sozialak erabiltzen ditugunean ausartagoak gara kalean baino, aurrez aurre ez gaudelako.


-Beraz, hau guztia esanda, gauzak ondo pentsatu behar ditugula edozer igo baino lehen ondorioztatzen dugu, ekarri ahal dituzten arazoaz kontziente izanik.


Gaiarekin amaitzeko,Jordi Adell IKTn aditua denaren bideo bat jarri digu, non gaitasun digitalari buruz hitz egiten digu, kontzeptuak argituz eta hauen mapa kontzeptual bat eginez. 


Ondoren taldeko proiektuarekin jarraitu dugu, 3 ematekoa eginez ( 4, 5.5 eta 5.6 aktibitateak). Eta klaseak amaitzeko, Delicious eta scoop.it aplikazioen funtzionamendua azaldu digu (erreferentziak gordetzeko erremientak). Bertan bakoitzak 7 helbide interesgarri gorde ditugu Siteren 3.emotekoaren barruan sartzeko. 


Laburbilduz, esan dezaket, oso interesgarria iruditu zaidala gaurko gaia, igotzen dugun informazioa ekarri ahal dituzten arazoaz eta ondorio txarrez benetan kontziente izan behar garelako.




2014ko azaroaren 24an


Gaur berriz, aste honetan emandakoa gogoratzen eta geratzen zaizkigun egunak planifikatzen hasi gara: taldeko aurkezpenak, blogen lanak… 
 
Hau komentatu ostean, teoriari buruz hitz egiten hasi da irakasleak; gaurko gaia IKT-ak haur hezkuntzan izanik. Teoria zati hau Power Point baten bidez aurkeztu digu. Laburbilduz, IKTak hezkuntzan nola txertatzen ari diren azaldu digu; honekin batera teknologia berrien eragina eskolan ere ageria dela eta IKTak eta berrikuntza didaktikoa oreka errealista sustatu behar dutela.
 
Jarraian, bideo batzuk jarri ditu gero guk hauen inguruan hausnartzeko. 




  • Lehenengoa: Ikasleak gelan daude andereñoak esandakoa errepikatzen eta bat- batean gizon bat agertzen da IKTak ezartzeko proposatzen. Ideia: Nahiz eta IKTak eskolan ezarri metodologia berdina dela, errepikamenaren bidez ikasten dutelako, soilik aldatzen da pizarra erabili beharrean arbela digitala erabiltzen dutela.

  • Bigarrena: umeak etorkizunerako hezi behar ditugu, kontuan izanda nagusiak direnean egongo diren aldaketak eta haien lanera bideratuz. Bi egoera agertzen dira; bata klase tradizionala eta gero etorkizunean lan tradizionalak egiten eta beste egoeran klase berritzaileak IKTaren erabilerarekin eta etorkizunean lan egiten ordenagailu eta teknologia berrien bidez. Baina zein da benetan egokia? Bien arteko proportzioa izango litzateke.
Esan dezakegu, beraz, arriskutsua dela IKTak ezartzea planteamendu berritzaile batez egiten ez badugu, hau da,  metodologia aldatzen ez badugu ez du ezertarako balio teknologia berrien aplikazioa. Bestetik, haur hezkuntzan IKTak neurriz erabili beharko genituen nire ustetan. Baliabide lagungarri bezala erabiltzea egokia iruditzen zait adibidez.
 
Bideoekin amaitu eta gero,  Symbaloo aplikazioa zer den azaldu digu: aplikaziok idaz-mahian bilduta agertzen dira aplikazio honen bidez.

Eguna bukatzeko, lan- proiektuarekin jarraitu dugu (hipotesiak formulatzen hain zuzen ere).


2014ko abenduaren 1ean

Gaur IKT ikasgai honen azken klasea izan da. Lehenengo orduetan lana bukatzen utzi digu irakasleak; jarraian 11etan talde bakoitzak bere proiektuaren aurkezpena egiteko. 

Gure kasuan, Siteko lanari azken pintzelkada eman diogu eta aurkezpena power point batean presatatu dugu, gero prezira pasatzeko.

11etan gure aurkezpena izan da, lehenengo taldea izan gara. Gurea egin eta gero besteena entzun ditugu.

Azkenik, irakasgai honekin bukatzeko, blogaren inguruko azken azalpen batzuk eman dizkigu, hala nola, erlojua nola kokatzen den blogean edo lizentzia nola izan ahal genuen. 

Hau esanda, bakoitzak libre izan du bere blogean arakatzen jarraitzeko eta ni honetan nago, blog honen azken astekaria idazten. 

Harpidetu honetara: Mezuak (Atom)